2015 جىلعى 31 ناۋرىز, استانا قالاسى
سۋ شارۋاشىلىعى جۇيەلەرى مەن قۇرىلىستارىنىڭ قاۋىپسىزدىگىن قامتاماسىز ەتۋ قاعيدالارىن بەكىتۋ تۋرالى
قازاقستان رەسپۋبليكاسىنىڭ 2003 جىلعى 9 شىلدەدەگى سۋ كودەكسىنىڭ 37-بابى 1-تارماعىنىڭ 7-3) تارماقشاسىنا سايكەس بۇيىرامىن:
1. قوسا بەرىلىپ وتىرعان سۋ شارۋاشىلىعى جۇيەلەرى مەن قۇرىلىستارىنىڭ قاۋىپسىزدىگىن قامتاماسىز ەتۋ قاعيدالارى بەكiتىلسىن.
2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋدەن وتكەننەن كەيىن كۇنتىزبەلىك ون كۇن ىشىندە ونىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن;
3) وسى بۇيرىقتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى اۋىل شارۋاشىلىعى ۆيتسە-مينيسترىنە جۇكتەلسىن.
4. وسى بۇيرىق العاش رەسمي جاريالانعان كۇننەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى اۋىل شارۋاشىلىعى ءمينيسترى ا.مامىتبەكوۆ.
«كەلىسىلدى»
قازاقستان رەسپۋبليكاسى قارجى ءمينيسترى ____________ ب. سۇلتانوۆ
« » 2015 جىل
«كەلىسىلدى»
قازاقستان رەسپۋبليكاسى ۇلتتىق ەكونوميكا ءمينيسترى _______________ ە. دوساەۆ
« » 2015 جىل
«كەلىسىلدى»
قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى
_______________ن. ابىقاەۆ
« » 2015 جىل
«كەلىسىلدى»
قازاقستان رەسپۋبليكاسى ىشكى ىستەر ءمينيسترى _______________ق. قاسىموۆ
7 ءساۋىر 2015 جىل
«كەلىسىلدى»
قازاقستان رەسپۋبليكاسى ەنەرگەتيكا ءمينيسترى ______________ ۆ. شكولنيك
« » 2015 جىل
قازاقستان رەسپۋبليكاسى اۋىل شارۋاشىلىعى ءمينيسترىنىڭ
2015 جىلعى 31 ناۋرىزداعى № 19-4/286 بۇيرىعىمەن بەكىتىلگەن
سۋ شارۋاشىلىعى جۇيەلەرى مەن قۇرىلىستارىنىڭ قاۋىپسىزدىگىن قامتاماسىز ەتۋ قاعيدالارى
1. جالپى ەرەجەلەر
1. سۋ شارۋاشىلىعى جۇيەلەرى مەن قۇرىلىستارىنىڭ قاۋىپسىزدىگىن قامتاماسىز ەتۋ قاعيدالارى (بۇدان ءارى – قاعيدا) قازاقستان رەسپۋبليكاسىنىڭ 2003 جىلعى 9 شىلدەدەگى سۋ كودەكسىنىڭ 37-بابى 1-تارماعىنىڭ
7-3) تارماقشاسىنا سايكەس (بۇدان ءارى – كودەكس) ازىرلەندى جانە سۋ شارۋاشىلىعى جۇيەلەرى مەن قۇرىلىستارىن سالۋ, پايدالانۋ, جوندەۋ جانە قايتا جاڭارتۋ كەزىندە سۋ شارۋاشىلىعى جۇيەلەرى مەن قۇرىلىستارىنىڭ يەلەرى نەمەسە پايدالانۋشى تۇلعالار ورىنداۋلارى مىندەتتى تالاپتاردى ەسكەرە وتىرىپ, سۋ شارۋاشىلىعى جۇيەلەرى مەن قۇرىلىستارىنىڭ قاۋىپسىزدىگىن قامتاماسىز ەتۋ ءتارتىبىن ايقىندايدى.
2. وسى قاعيدادا مىناداي نەگىزگى ۇعىمدار پايدالانىلادى:
1) سۋ شارۋاشىلىعى جۇيەلەرى مەن قۇرىلىستارىنىڭ قاۋىپسىزدىگى – سۋ شارۋاشىلىعى جۇيەلەرى, قۇرىلىستارى ەلەمەنتتەرىنىڭ, ادامداردىڭ ءومىرىن, دەنساۋلىعىن جانە زاڭدى مۇددەلەرىن, قورشاعان ورتا مەن شارۋاشىلىق وبەكتىلەرىن قورعاۋدى قامتاماسىز ەتەتىن وزىندىك ەرەكشەلىكتەرى;
2) سۋ شارۋاشىلىعى جۇيەلەرى مەن قۇرىلىستارى قاۋىپسىزدىگىنىڭ ولشەمدەرى – سۋ شارۋاشىلىعى جۇيەلەرى مەن قۇرىلىستارى اپاتتارىنىڭ تۋىنداۋ قاتەرىنىڭ جول بەرىلەتىن دەڭگەيىنە سايكەس كەلەتىن سۋ شارۋاشىلىعى جۇيەلەرى مەن قۇرىلىستارى جاي-كۇيىنىڭ تەحنيكالىق كورسەتكىشتەرىنىڭ جانە ولاردى پايدالانۋ شارتتارىنىڭ شەكتى دەڭگەيى.
2. سۋ شارۋاشىلىعى جۇيەلەرى مەن قۇرىلىستارىنىڭ قاۋىپسىزدىگىن قامتاماسىز ەتۋ ءتارتىبى
3. قاۋىپسىزدىكتى قامتاماسىز ەتۋ سۋ شارۋاشىلىعى جۇيەلەرى مەن قۇرىلىستارىن جوبالاۋ, سالۋ, پايدالانۋ, جوندەۋ جانە قايتا جاڭارتۋ كەزىندە قويىلاتىن تالاپتار نەگىزىندە جۇزەگە اسىرىلادى.
4. سۋ شارۋاشىلىعى جۇيەلەرى مەن قۇرىلىستارىنىڭ قاۋىپسىزدىگىن قامتاماسىز ەتۋ ءۇشىن, ولاردىڭ جۇمىسى مەن جاي-كۇيىنە قۇرىلىسىن سالۋ ۇدەرىسىندە دە, پايدالانۋ, جوندەۋ جانە قايتا جاڭارتۋ كەزىندە دە زاتتاي قاداعالاۋ (مونيتورينگ) جۇرگىزىلەدى.
5. جوبالاۋ ساتىسىندا سۋ شارۋاشىلىعى جۇيەلەرى مەن قۇرىلىستارىنىڭ بەرىكتىگىن, تۇراقتىلىعىن جانە ۇزاق مەرزىمدىلىگىن ەسەپتەۋ ادىستەرىمەن قامتاماسىز ەتىلەدى.
6. ەسەپتەۋ كەزىندە ينجەنەرلىك ىزدەنىستەردىڭ ناتيجەلەرى, سۋ شارۋاشىلىعى جۇيەلەرى مەن قۇرىلىستارى ورنالاسقان جەردىڭ فۋنكتسيونالدىق ماقساتى مەن سيپاتى, تىرەۋشى قۇرىلىس كونسترۋكتسيالارى بۇزىلۋىنىڭ بولجالدى سالدارى, سونداي-اق جۇكتەمەلەر مەن اسەرلەردىڭ قولايسىز بىرلەسە كەلۋى ەسكەرىلەدى.
7. جەر سىلكىنىسى قاۋپى بار اۋدانداردا سۋ شارۋاشىلىعى جۇيەلەرى مەن قۇرىلىستارىن سالۋ كەزىندە بولۋى مۇمكىن قاۋىپتى ب ۇلىنۋلەر مەن اپاتتىق جاعدايلاردى بولدىرماۋ ءۇشىن ارنايى جوبالىق-كونسترۋكتورلىق شەشىمدەر قولدانىلادى.
8. سۋ شارۋاشىلىعى جۇيەلەرى مەن قۇرىلىستارىن سالۋ وبەكتىلەرىندە قۇرىلىس ۇدەرىسىندە بوگدە ارالاسۋدى بولدىرماۋ بويىنشا, سونداي-اق بولۋى مۇمكىن ديۆەرسيالىق جانە تەرروريستىك اكتىلەرگە قارسى ارەكەت ەتۋ بويىنشا قورعاۋ شارالارى كوزدەلۋى قاجەت.
9. سۋ شارۋاشىلىعى جۇيەلەرى مەن قۇرىلىستارىنىڭ يەسى نەمەسە پايدالانۋشى تۇلعا سۋ شارۋاشىلىعى جۇيەلەرى مەن قۇرىلىستارىن فۋنكتسيونالدىق ماقساتى بويىنشا قاۋىپسىز پايدالانۋدى, ولاردىڭ تەحنيكالىق جاي-كۇيىنىڭ قاۋىپسىز دەڭگەيىن, سونداي-اق تەحنيكالىق قىزمەت كورسەتۋدى, اعىمداعى جوندەۋدى جانە جەتىلدىرۋدى قامتاماسىز ەتەدى.
10. بولجاناتىن نەمەسە بولعان تابيعي جانە تەحنوگەندىك سيپاتتاعى توتەنشە جاعدايلارعا بايلانىستى اپاتتىڭ تۋىنداۋ قاۋپى كەزىندە سۋ شارۋاشىلىعى جۇيەلەرى مەن قۇرىلىستارىنىڭ يەسى نەمەسە پايدالانۋشى تۇلعا قوسىمشا قاۋىپسىزدىك شارالارىن قابىلدايدى, سونداي-اق سۋ شارۋاشىلىعى جۇيەلەرى مەن قۇرىلىستارىنىڭ باقىلاناتىن پارامەترلەرى بەلگىلەنگەن قاۋىپسىزدىك تالاپتارىنا سايكەس كەلمەگەن جاعدايدا سۋ شارۋاشىلىعى جۇيەلەرى مەن قۇرىلىستارىن پايدالانۋدان شىعارۋ جونىندە شارالار قابىلدايدى.
11. سۋ شارۋاشىلىعى جۇيەلەرى مەن قۇرىلىستارىنداعى تابيعي جانە تەحنوگەندىك سيپاتتاعى توتەنشە جاعدايلاردىڭ سالدارىن جويۋ توتەنشە جاعدايلاردىڭ سالدارىن جويۋ جونىندەگى ءىس-شارالار جوسپارىنا جانە سۋ شارۋاشىلىعى جۇيەلەرى مەن قۇرىلىستارىن قالپىنا كەلتىرۋ جونىندەگى جوبالىق قۇجاتتاماعا سايكەس جۇزەگە اسىرىلادى.
12. «گيدرومەليوراتسيالىق جۇيەلەر مەن سۋ شارۋاشىلىعى قۇرىلىستارىنىڭ پاسپورتتارىن جۇرگىزۋ ەرەجەسىن جانە پاسپورت نىسانىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ
2009 جىلعى 4 ماۋسىمداعى № 326 بۇيرىعىمەن بەكىتىلگەن (نورماتيۆتىك قۇقىقتىق اكتىلەردىڭ مەملەكەتتىك تىركەۋ تىزىلىمىندە № 5714 بولىپ تىركەلگەن) نىساندار بويىنشا سۋ شارۋاشىلىعى جۇيەلەرى مەن قۇرىلىستارىندا ورتتەن, جارىلىستان جانە باسقا دا قاۋىپتى جاعدايلاردان قورعاۋ قۇرالدارى بولعان جاعدايدا سۋ شارۋاشىلىعى جۇيەلەرى مەن قۇرىلىستارىنىڭ يەسى نەمەسە پايدالانۋشى تۇلعا سۋ قورىن پايدالانۋ جانە قورعاۋ, سۋمەن جابدىقتاۋ جانە سۋ بۇرۋ سالاسىنداعى ۋاكىلەتتى ورگان بەكىتكەن ۇلگىلەر بويىنشا سۋ شارۋاشىلىعى قۇرىلىستارىنىڭ پاسپورتتارىنا سايكەس ولاردى جۇمىسقا قابىلەتتى كۇيدە ۇستايدى.
13. سۋ شارۋاشىلىعى جۇيەلەرى مەن قۇرىلىستارىن پايدالانۋ كەزىندە قاۋىپسىز كۇيىندە ۇستاۋدى مەنشىك يەسى نەمەسە پايدالانۋشى تۇلعا كەزەڭدىك تەكسەرۋ جۇرگىزۋ, تەحنيكالىق قىزمەت كورسەتۋ جانە اعىمداعى جوندەۋ جولىمەن قامتاماسىز ەتەدى.
14. سۋ شارۋاشىلىعى جۇيەلەرى مەن قۇرىلىستارىن جوندەۋ جۇمىستارىنىڭ جانە قايتا جاڭارتۋ جونىندەگى جۇمىستاردىڭ باعدارلامالارىن ازىرلەۋ جۇيەلەر مەن قۇرىلىستاردىڭ جاي-كۇيىن جانە پايدالانىلاتىن سۋ شارۋاشىلىعى جۇيەلەرى مەن قۇرىلىستارىندا اپاتتىڭ تۋىنداۋ قاتەرىنىڭ دەڭگەيىن (قاۋىپسىزدىك دەڭگەيىن) باعالاۋ نەگىزىندە جۇرگىزىلەدى.
15. كودەكستىڭ 37-بابى 1-تارماعىنىڭ 3-1) تارماقشاسىنا سايكەس سۋ شارۋاشىلىعى جۇيەلەرى مەن قۇرىلىستارىن قايتا جاڭارتۋ كەزىندە قاۋىپسىزدىك دەڭگەيى سۋ قورىن پايدالانۋ جانە قورعاۋ, سۋمەن جابدىقتاۋ جانە سۋ بۇرۋ سالاسىنداعى ۋاكىلەتتى ورگان بەكىتكەن سۋ شارۋاشىلىعى جۇيەلەرى مەن قۇرىلىستارى قاۋىپسىزدىگىنىڭ ولشەمدەرىن ساقتاۋ ارقىلى قامتاماسىز ەتىلەدى.
16. سۋ شارۋاشىلىعى جۇيەلەرى مەن قۇرىلىستارىنىڭ يەسى نەمەسە پايدالانۋشى تۇلعا ىرگەلەس جاتقان اۋماقتاعى ادامدار ءۇشىن قاۋىپ تۋدىراتىن جۇمىستاردى جۇرگىزگەن كەزدە قاۋىپتى ايماققا كەزدەيسوق كىرۋدى بولدىرماۋ جونىندە شارالار قابىلدايدى.
17. سۋ شارۋاشىلىعى جۇيەلەرى مەن قۇرىلىستارىنىڭ يەسى نەمەسە پايدالانۋشى تۇلعا 25 جىلدان ارتىق پايدالانۋدا بولعان سۋ شارۋاشىلىعى جۇيەلەرى مەن قۇرىلىستارىن, ولاردىڭ جاي-كۇيىنە قاراماستان, ولاردىڭ بەرىكتىگىن, تۇراقتىلىعىن جانە پايدالانۋ سەنىمدىلىگىن باعالاي وتىرىپ, جىل سايىن كوپ فاكتورلى تەكسەرۋدەن وتكىزەدى. 25 جىلعا دەيىن پايدالانۋدا بولعان سۋ شارۋاشىلىعى جۇيەلەرى مەن قۇرىلىستارى ولاردىڭ جاي-كۇيىنە قاراماستان, ولاردىڭ بەرىكتىگىن, تۇراقتىلىعىن جانە پايدالانۋ سەنىمدىلىگىن باعالاي وتىرىپ, 5 جىلدا ءبىر رەت كوپ فاكتورلى تەكسەرۋدەن وتەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 30 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11478 بولىپ ەنگىزىلدى.